يـــمـــه عساني ما زعجتك يا يمه

بسم الله الرحمن الرحيم

السلام عليكم ورحمة الله وبركاته

(يمه) عساني ما أزعجتـك يـا يمـه

أحس في صدري عـذاب وحريقـة

يضمني حزني وأنا حيـل أضمـه

كنه ضناي وشوفته شـوف ضيقـة

يمه وأنـا بنتـك وإذا قلـت يمـه

شوفي لحزنـي والمواجـع طريقـة

ضميني لصـدرك (ثمانيـن ضمـه)

ضمة عشيـق ٍ مايفـارق عشيقـه

وكانك سألتي خاطري ويش همـه

بعلمـك وأبـي جـواب الحقيـقـة

ليه الزمن اليـوم مافيـه ذمـة ؟!!

وليه الطعون اللي بظهري عميقة ؟!!

وليه الولد يبوق في بنت عمه ؟!! .

وليه الرفيق يخون عشرة رفيقه ؟!!

وليه أنخدع في ناس كانت مهمة ؟!!

ويوم أكتشفها وهم ماله حقيقـة ؟!!

وليه الذي وقت الرخـا كـان قمـة

و وقت الشدايد مالقينا طريقـة ؟!!

وليه الحسد يمي من عيون عمه ؟!!

وليه الخطا لو قلت كلمة رقيقـة ؟!!

أزيـد{ يمـه }ولا كافـي مغمـة ؟!!

أشوف عينك مـن هماهـا غريقـة

يمـه دخيلـك آسـف آآه يـمـه

كنـي جرحتـك وأنـتـي أغــلا رفيقة

قــــمه في الابداع
كــلمات غــآية الروووعه
ربــي لايحرمنا هالابداع
ولاصحبته
دمتِ بكل خير

يـــمـــه عساني ما زعجتك يا يمه Nsaayat6a665df0b7